Rossiya O‘zbekistonga gaz yetkazib berishni 4 barobardan ortiqqa oshirdi

«Gazprom» 2024 yilda O‘zbekistonga 5,64 milliard kub metr gaz yetkazib bergan bo‘lsa, 2023 yilda bu ko‘rsatkich 1,28 milliard kub metrga yetgandi, deyiladi kompaniyaning yillik hisobotida. Ya’ni, gaz yetkazib berish 4 barobardan ortiqqa oshirildi.

Kompaniya 2023 yil oktyabr oyidan «Markaziy Osiyo – Markaz» tizimi orqali revers rejimda gazni mamlakatga eksport qilishni boshlagan.

«Gazprom» shuningdek, 2024 yil iyun oyida 2025 yildan Qirg‘iziston iste’molchilariga Rossiya gazini yetkazib berish bo‘yicha uzoq muddatli (2040 yilgacha) shartnomalar imzolanganini eslatib o‘tdi.