Қўшимча функционаллар
-
Тунги кўриниш
Америкалик ҳарбий хизматчилар орасида ўз жонига қасд қилиш ҳолатлари ортди
АҚШда ҳарбий хизматчилар орасида ўз жонига қасд қилиш ҳолатларининг олдини олиш учун махсус қонун қабул қилинган бўлиб, унга кўра Пентагон аскар ва офицерларнинг руҳий саломатлигини кузатишга мажбур.
Фото: Getty Images
АҚШ Мудофаа вазирлиги 2023 йил якунлари бўйича ҳарбий хизматчилар орасида ўз жонига қасд қилишга оид 523 та ҳолатни қайд этди — бу 2022 йилга нисбатан 6 фоизга кўп.
Пентагон раҳбари Ллойд Остин ҳарбий хизматчилар учун психологик ёрдам сифати ва ундан фойдаланиш имкониятини оширишга чақирди.
АҚШ ҳарбий идораси ҳисоботида амалдаги таркиб, резервдагилар, Миллий гвардия, шунингдек, ҳарбий хизматчиларнинг турмуш ўртоқлари орасидаги ўз жонига қасд қилиш ва ўз жонига қасд қилишга уринишларга оид маълумотлар келтирилган. Унга кўра, шахсий таркиб орасида ўз жонига қасд қилиш ҳолати 12 фоизга, резервдагилар орасида эса 8 фоизга ошган. Миллий гвардияда хизмат ўтаётган ҳарбий хизматчилар орасида эса ушбу кўрсаткич 5 фоизга камайган.
Пентагоннинг қайд этишича, 2023 йилда суицидлар сони ошганига қарамай, статистик маълумотлар узоқ муддатли тенденцияларга мос келади ва барқарор бўлиб қолмоқда.
АҚШда ҳарбий хизматчилар орасида ўз жонига қасд қилиш ҳолатларининг олдини олиш учун махсус қонун қабул қилинган бўлиб, унга кўра Пентагон аскар ва офицерларнинг руҳий саломатлигини кузатишга мажбур. 2022 йилдан бери АҚШда вазирликнинг ҳарбий хизматчилар орасида суицидларга қарши кураш фаолиятини баҳоловчи мустақил қўмита фаолият юритиб келмоқда.
Мавзуга оид
18:03 / 18.04.2025
«Бу бизнинг уруш эмас» - Агар музокараларда силжиш бўлмаса, АҚШ Украинада тинчлик ўрнатиш уринишларини тўхтатади
17:34 / 18.04.2025
Украина ва АҚШ фойдали қазилмалар бўйича шартнома тузиш ниятида меморандум имзолади
13:53 / 18.04.2025
Reuters: Россия ҳарбий таъминот учун АҚШ фирмасидан фойдаланмоқчи
13:46 / 18.04.2025