Қўшимча функционаллар
-
Тунги кўриниш
Сурхондарёда ЙПХ ходимига куч ишлатган 3 киши ушланди
Фото: Видеодан кадр
Сурхондарё вилояти Денов туманида бир гуруҳ фуқаролар ЙПХ ходимларига қаршилик қилиб, жанжал кўтаргани акс этган видео тарқалганди. Бош прокуратура ахборот хизмати раҳбари Ҳаёт Шамсутдинов ҳолат юзасидан жиноят иши қўзғатилганини маълум қилди.
ЙҲХХ ахборот хизмати раҳбари Зойир Йўлдошевнинг «Дарё» сўровига жавобан аниқлик киритишича, ҳайдовчи йўл ҳаракати қоидаларининг 99-бандини бузиб, қарама-қарши бўлакдан ҳаракатланиб келган автомашинага йўл бермасдан ҳаракатлангани учун ходим Lacetti’ни тўхтатган. Инспектор ҳайдовчи ҳужжатларини сўраганида тақдим этмасдан қариндошлари билан ходимларга қаршилик кўрсатган.
Ҳолат юзасидан Жиноят кодексининг 277-моддаси (безорилик) билан жиноят иши қўзғатилди. Жиноят иши доирасида уч нафар гумонланувчи шахс процессуал тартибда ушланган. Ушланганларнинг икки нафари аёл киши.
Айни пайтда тергов ҳаракатлари олиб борилмоқда. Автомобил жарима майдонига жойлаштирилган.
Мавзуга оид
16:57 / 30.06.2025
Денов туман суди собиқ раиси 5 йилга қамалди
13:49 / 18.06.2025
Денов туман суди собиқ раисига оид жиноят иши судда кўрилмоқда
16:05 / 02.06.2025
Кўп қаватли уйларда 1,5 млрд сўмлик газдан ноқонуний фойдаланиш ҳолати аниқланди
12:13 / 31.05.2025