Қўшимча функционаллар
-
Тунги кўриниш
Исроил армияси Ғарбий соҳилда 135,2 млн долларлик зарар етказди
Женин шаҳри мэри «Анадолу» агентлигига Исроилнинг минтақадаги «операциялари» оқибатлари ҳақида гапирди.
Фото: Anadolu Agency
Исроил армиясининг давом этаётган операцияси ишғол остидаги Ғарбий соҳилда Женин шаҳрига 135,2 миллион долларлик инфратузилмавий зарар келтирди. Бу ҳақда шаҳар мэри Нидал ал-Обайдий «Анадолу» агентлигига маълум қилди.
Агентлик суҳбатдоши исроиллик ҳарбийларнинг ҳаракатларини кучли зилзила оқибатлари билан солиштирди.
«Энг катта йўқотиш - одамларнинг ҳаёти. Моддий нуқтайи назардан, Исроил кучлари томонидан етказилган вайронагарчилик жуда катта, жумладан, инфратузилмага, сув ва алоқа линиялари ҳамда электр трансформаторларига ҳужумлар», - деди у.
Унинг сўзларига кўра, «фалокат кўлами аввалги амалиётлар вақтидагидан ошиб кетган».
«Шаҳарда зилзила содир бўлгандек бўлди – улкан вайроналар, кўчалар, уйлар вайрон бўлди ва портлатиб юборилди», деди ал-Обайдий.
Мэрнинг таъкидлашича, Исроил қўшинлари «шаҳарни атайлаб вайрон қилмоқда». «Операция беш кун кетма-кет давом этмоқда ва ҳар куни янги вайронагарчилик ва зарарлар келтирмоқда», - дея қўшимча қилди у.
У, шунингдек, ҳарбий амалиёт Жениннинг «ижтимоий ва иқтисодий ҳаётини фалаж қилганини» таъкидлади. Ал-Обайдийнинг сўзларига кўра, аҳоли асосий эҳтиёжлар кескин танқислигига дуч келган.
Ғазодаги геноцид
Мавзуга оид
15:27
Исроилга қарши суд эшитуви, Ҳиндистон ҳужумини кутаётган Покистон ва Украинада 9 май оташкесими — кун дайжести
10:54
БМТ суди Исроилнинг Ғазодаги эмбаргоси бўйича эшитувларни бошлади
13:05 / 28.04.2025
Эрон портидаги даҳшатли портлаш, Канадада фожиага айланган фестивал ва Сувайш каналига «кўз олайтираётган» Трамп — кун дайжести
09:45 / 28.04.2025