Qoʻshimcha funksionallar
-
Tungi ko‘rinish
Chaqalog‘ini 10 mln so‘mga sotmoqchi bo‘lgan ayolga hukm o‘qildi
Navoiy viloyatida bir oylik chaqalog‘ini 10 million so‘mga sotmoqchi bo‘lgan onaga sud hukmi o‘qildi.
Fuqaro N.K. 2024 yil iyun oyida Turkiyaga ishlash maqsadida borib, avgustda O‘zbekistonga qaytgan va shu oyda farzand ko‘rgan. Oradan ko‘p o‘tmay, yana xorijga chiqish niyatida bo‘lgan ayol chaqalog‘ini sotishga qaror qilgan.
2024 yil 4 sentabr kuni ichki ishlar va davlat xavfsizlik xizmati xodimlari o‘tkazgan tezkor tadbir davomida N.K. farzandini 10 million so‘mga sotayotgan vaqtida qo‘lga olingan. U voqea joyida yozma tilxat yozib bergan, pul dalil sifatida rasmiylashtirilgan.
Sud jarayonida ayolning aybi barcha hujjatlar — ekspertiza xulosalari, ovoz yozuvlari, guvohlar ko‘rsatmasi va boshqa dalillar bilan to‘liq isbotlangan.
Sud hukmiga ko‘ra, N.K. Jinoyat kodeksining 135-moddasi 3-qismi “a” bandi bo‘yicha aybli deb topilib, unga 3 yil 6 oy muddatga ozodlikdan mahrum qilish jazosi tayinlandi.
Mavzuga oid
12:25 / 11.06.2025
Odam savdosi bilan shug‘ullangan ayol Istanbuldan Toshkentga ekstraditsiya qilindi
00:30 / 27.05.2025
Toshkentda 22 yoshli qizni fohishalik uchun Rossiyaga olib ketmoqchi bo‘lgan ayol ushlandi
21:16 / 26.05.2025
Xalqaro qidiruvda bo‘lgan o‘zbekistonlik ikki ayol O‘mondan ekstraditsiya qilindi
16:22 / 20.05.2025