Киевдаги намойишларнинг 4-куни: акциялар кўлами камаймоқда

Коррупцияга қарши кураш идоралари мустақиллиги учун намойишлар иштирокчилари сони тўртинчи куни сезиларли даражада камайди. Бироқ, энг катта акция ҳали олдинда.

Фото: AP

Украина пойтахтида аввалроқ Олий Рада томонидан қабул қилинган Коррупцияга қарши кураш миллий бюроси (НАБУ) ва ихтисослаштирилган антикоррупция прокуратураси (САП) мустақиллигини сезиларли даражада чекловчи қонунга қарши намойишлар тўртинчи кун кетма-кет давом этмоқда. 25 июл, жума куни Киев марказидаги Иван Франко театри олдига мингга яқин одам йиғилди, деб хабар беради DW мухбири.

Намойишчилар, хусусан, «Уят!», «Коррупция ўлдиради!», «Украинага шон-шарафлар бўлсин!», «Россияпараст депутатлар кетсин!» деган шиорларни айтди. Намойишчилар, шунингдек, фронтда ҳалок бўлган украиналик аскарлар хотираси учун бир дақиқалик сукут сақлади ва «пул пора учун эмас, фронтга юборилишини» талаб қилди.

Норозилик намойишлари мамлакатнинг бошқа шаҳарларида, хусусан, Одесса, Лвив, Житомир, Луцк, Днипрода ҳам бўлиб ўтди.

Фаоллар 30 июл куни Олий Радада Украина президенти Володимир Зеленскийнинг коррупцияга қарши кураш бўйича иккита агентлик мустақиллигини тиклаш ҳақидаги қонун лойиҳаси бўйича овоз беришдан бир кун олдин энг йирик намойиш ўтказишга чақирмоқда.

#Киев #намойишлар