Бир кунда 6,2 млрд сўмлик энергоресурслар талон-торож қилинди

Ҳудудларда энергия ресурсларини иқтисод қилиш борасида ишлар давом эттирилмоқда.

Фото: Бош прокуратура

Бош прокуратура маълум қилишича, 26 май куни 271 та энергоресурсларни йўқотиш ҳолатлари ҳамда 470 та ҳолатда 6,2 млрд сўмлик талон-торож қилиш ҳолатлари аниқланди.

Газ тақсимлаш пунктларининг 2 таси алмаштирилди ва 259 таси таъмирланди, 888 та хонадон икки босқичли тизимга ўтказилди, 3 762 та газ ҳисоблагич батареяси алмаштирилди.

2 800 та газ ҳисоблагичининг алоқаси тикланди, 5 та янги трансформатор ўрнатилди, 248 км тармоқ, 290 та трансформатор пунктлари таъмирланди, 14 км юқори юкламали тармоқларда симлар алмаштирилди.

Қонунбузилишга йўл қўйган 11 нафар шахс маъмурий ва интизомий жавобгарликка тортилди, 5 та жиноят иши қўзғатилди.

#энергетика