Қўшимча функционаллар
-
Тунги кўриниш
МРБ штаб-квартираси яқинида отишма содир бўлди
Марказий разведка бошқармаси «хавфсизликнинг бузилиши билан боғлиқ ҳодиса» юз берганини тасдиқлади. Воқеага алоқадор бир киши қўлга олинган.
Фото: Getty images
АҚШ Марказий разведка бошқармасининг Лэнглидаги штаб-квартираси яқинида отишма содир бўлди. Бу ҳақда NBC News ўз манбаларига таяниб хабар берди.
Қайд этилишича, идора қўриқчилари маҳаллий вақт билан соат 04:00 ларда ўт очган. Телеканал маълумотларига кўра, ҳодиса оқибатида бир аёл яраланган.
МРБ вакиллари Reuters агентлигига «хавфсизликнинг бузилиши билан боғлиқ ҳодиса» юз берганини тасдиқлаган, бироқ отишма тўғрисида бирор-бир маълумот тақдим этмаган. Таъкидланишича, бир киши қўлга олинган, аммо воқеага оид бошқа тафсилотлар ошкор этилмаган.
МРБ штаб-квартираси яқинидаги воқеа Вашингтон марказида Исроил элчихонасининг икки ходими отиб кетилганига бир сутка ўтмасдан содир бўлган. Reutersʼнинг аниқлик киритишича, ушбу икки ҳодиса ўртасида ўзаро боғлиқлик йўқ.
Мавзуга оид
19:39 / 25.07.2025
«Йўқ, бу бино беш йил аввал қурилган» — АҚШ Марказий банки раҳбари Трампни «тузатди»
09:20 / 25.07.2025
Трамп Япония билан йирик савдо битимини эълон қилди
07:40 / 25.07.2025
Писториус АҚШдан Patriot'ни алмаштириш бўйича мажбурият кутмоқда
07:29 / 25.07.2025