Ўзбекистон ва Польша Афғонистон йўналишидаги ҳамкорликни муҳокама қилди

Томонлар афғон келишуви масалалари бўйича тизимли ва конструктив мулоқотни давом эттиришдан ўзаро манфаатдор эканини тасдиқлади.

Фото: "Дунё" АА

Ўзбекистон президентининг Афғонистон бўйича махсус вакили Исматулла Эргашев Польша Ташқи ишлар вазирлигининг Афғонистон бўйича махсус вакили Витольд Собков ва Польша Ташқи ишлар вазирлиги Шарқ департаменти директори ўринбосари Марек Цалка билан учрашув ўтказди.

ТИВ маълумотига кўра, мулоқот чоғида Афғонистон йўналишидаги икки томонлама ҳамкорликнинг долзарб масалалари, минтақавий барқарорлик ва хавфсизликни таъминлаш контекстида Ўзбекистон-Польша ҳамкорлигини янада кенгайтириш истиқболлари муҳокама қилинди.

Томонлар афғон келишуви масалалари бўйича тизимли ва конструктив мулоқотни давом эттиришдан ўзаро манфаатдор эканликларини тасдиқлади ва мунтазам маслаҳатлашувларни давом эттиришга келишиб олди.

#Афғонистон #Польша