Қўшимча функционаллар
-
Тунги кўриниш
Трамп Россияга нисбатан жорий қилинган санкцияларни бир йилга узайтирди
Санкциялар Жо Байден маъмурияти томонидан Россиянинг «зарарли ташқи фаолияти» учун 2021 йилда жорий қилинган эди.
Фото: AFP / ALEX WONG
АҚШ президенти Доналд Трамп Россияга нисбатан 2021 йил 15 апрелида ўзидан олдинги президент Жо Байден томонидан жорий этилган санкцияларни бир йилга узайтириш тўғрисидаги фармонни имзолади.
Трамп 14024-фармон муддатини узайтирди, у Байден маъмурияти томонидан бир неча бор кенгайтирилган ва узайтирилган эди. Фармон муддати 2025 йил 15 апрелда тугаши керак эди.
Жо Байден Россия ҳукуматининг «зарарли ташқи фаолияти», жумладан, 2020 йилги АҚШ президентлик сайловига аралашуви ва SolarWinds дастурий таъминоти орқали АҚШ давлат идораларига киберҳужумлар уюштиргани учун Россияга қарши санкциялар киритган эди.
2021 йилда жорий этилган санкциялар доирасида Қўшма Штатлар Россия давлат қарзи билан операцияларни чеклади.
Доналд Трамп президентликка киришганидан кейин 2014 йилдан бери Россияга нисбатан жорий қилинган бир неча бошқа санкцияларни ҳам узайтирди. Февраль ойида у Қримни аннексия қилгани ҳамда ўзини ўзи эълон қилган Донецк ва Луганск халқ республикалари мустақиллигини тан олгани учун Россияга нисбатан жорий қилинган санкцияларни узайтирди.
Axios нашрига кўра, агар апрель ойи охиригача Украинада ўт очишни тўхтатиш бўйича келишувга эришилмаса, Доналд Трамп Россияга қарши янги санкциялар жорий қилиши мумкин.
Мавзуга оид
22:54 / 13.04.2025
Кремл Россия ва АҚШ музокараларидан «дарҳол натижалар» кутмасликка чақирди
20:51 / 13.04.2025
АҚШ савдо борасида Хитой билан «юмшоқ мулоқот» бошланганини маълум қилди
17:24 / 13.04.2025
Америкада яккаҳукмронлик: демократлар шунчалик заифми?
17:17 / 13.04.2025