Самарқанд вилоятида яна икки туман ҳокимлари ўзгарди

Самарқанд вилоятининг яна икки тумани — Нуробод ва Пахтачи туманларига янги ҳокимлар тайинланди.

Вилоят ҳокимлиги матбуот хизматига кўра, Махсуд Эркинович Буранов Нуробод тумани ҳокими бўлди.

У бунга қадар «Агробанк»нинг вилоят бошқармаси бошлиғи лавозимида фаолият кўрсатган.

Буранов янги лавозимда 2022 йил октябридан буён ишлаб келаётган Сирожиддин Бердиқулов ўрнини эгаллади.

Қаюм Норбекович Хушбақов эса Пахтачи тумани ҳокими этиб тайинланди.

У бунга қадар вилоят ҳокимлиги ахборот-таҳлил гуруҳ раҳбари вазифасида ишлаган.

Хушбақов янги лавозимда 2019 йил майидан буён ишлаб келган Музаффар Ҳамдамов ўрнини эгаллади.

Бундан аввалроқ Самарқанд вилоятининг Жомбой туманида ҳам ҳоким ўзгаргани, бу лавозимни Хуршид Назаров эгаллагани ҳақида хабар берилганди.