Россия ҳудудий ён бериши ва армиясини қисқартириши керак — Келлогг
Трампнинг Украина бўйича махсус вакили Кит Келлогг сўзларига кўра, Россия ҳам, Украина ҳам музокараларда «ён бериши» шарт.

Фото: Getty Images
Россия ҳудудий ён бериши, шунингдек, қуролли кучларини қисқартириши ва келажакда улардан фойдаланишдан воз кечиши керак, деди АҚШ президенти Доналд Трампнинг Украина бўйича махсус вакили Кит Келлогг.
Унинг сўзларига кўра, Британия, Полша ва Украина ТИВ раҳбарлари билан учрашув чоғида Украина ҳам «баъзи нарсаларда ён бериши» мумкин. Бундан ташқари, Келлогг Россияга қарши жорий этилган санкциялар ҳозир қанчалик самарали эканини ҳам баҳолади.
«Улар 10 баллик тизим бўйича 6 балл даражасида. Лекин уларнинг амалга оширилиши 3 балл даражасида. Иқтисодиётга зарба берадиган санкциялар керак. Биз буни Эрон билан ўтмишда қилганмиз, биз бу мамлакатни чиндан ҳам синдирган санкцияларни қўйганмиз», деб таъкидлади у.
Бундан ташқари, Келлогг Украинадаги уруш қачон тугашини тахмин қилди. «Президент Трамп ўз лавозимини 30 кундан камроқ вақт давомида эгаллаб турибди ва биз сўнгги 30 кун ичида охирги маъмурият уч йил ичида эришганидан кўра кўпроқ муваффақиятга эришдик», деди у.
Мавзуга оид

15:34
TikTok’да 162 млн обуначига эга блогер Ҳаби Лейм АҚШдан чиқариб юборилди

08:00
Трамп Лос-Анжелесга денгиз пиёда аскарлари ва кўпроқ миллий гвардиячиларни юборди

22:38 / 09.06.2025
Саида Мирзиёева АҚШ давлат котиби ёрдамчиси билан учрашув ўтказди

21:09 / 09.06.2025