Қўшимча функционаллар
-
Тунги кўриниш
Тошкентда яна бир автосалон эгаси қамоққа олинди
“Bilol’s electric motors” МЧЖ раҳбарига нисбатан жиноят иши қўзғатилди. У жуда кўп миқдордаги фирибгарликда айбланмоқда. Kun.uz’даги маълумотларга кўра, мазкур фирмадан жабрланганлар сони 50 нафарга яқин.
Фото: Google Maps
Тошкент шаҳридаги “Bilol’s electric motors” МЧЖ раҳбари Билол Мамажоновга нисбатан жиноят иши қўзғатилди. Бу ҳақда Kun.uz манбаси хабар берди.
2021 йил мартда давлат рўйхатидан ўтказилган “Bilol’s electric motors” МЧЖ автомобиллар ва енгил моторли транспорт воситалари чакана савдоси билан шуғулланиб келган. Унга 100 фоизлик улуш билан Билол Мамажонов эгалик қилган.
Kun.uz’га мурожаат қилган жабрланувчиларга кўра, кейинги пайтларда “Bilol’s electric motors” МЧЖ кўплаб фуқаролар билан шартнома тузиб, автомобилларни белгиланган вақтда етказиб бермаган. Бундан норози бўлган мижозларга на машина берилган, на тўлаган пуллари қайтарилган.
Таҳририят ҳолатга ойдинлик киритиш мақсадида Тошкент шаҳар ИИББ ахборот хизмати билан боғланди. Бошқарма ахборот хизмати Билол Мамажонов қамоққа олинганини тасдиқлади.
“Ҳолат юзасидан Тошкент шаҳар ИИББ ҳузуридаги Тергов бошқармаси томонидан Жиноят кодексининг 168-моддаси (фирибгарлик) 4-қисми “а” банди билан жиноят иши қўзғатилган. МЧЖ мансабдор шахси Б.М.га нисбатан қамоққа олиш тарзидаги эҳтиёт чораси қўлланган. Ҳозирда тергов ҳаракатлари давом этмоқда”, дейилади бошқарма маълумотида.
Шунингдек, “Bilol’s electric motors” МЧЖдан жабрланган шахслар бўлса Тошкент шаҳар ИИББ Тергов бошқармасига мурожаат қилишлари мумкинлиги билдирилди.
Kun.uz’даги маълумотларга кўра, мазкур фирмадан жабрланганлар сони 50 нафарга яқин. Уларга етказилган зарар миқдори ҳозирча таҳририятга маълум эмас.
Аввалроқ “Umid avto companes” МЧЖ раҳбари Абдуманноп Абдураҳмонов ҳам жуда кўп миқдордаги фирибгарликда айбланиб, қамоққа олинганди.
Тавсия этамиз
Божларни музлатган Трамп, урушдан силласи қуриган Судан – ҳафта дайжести
Жаҳон | 12:50 / 13.04.2025
Сирли эшиклар ва яширин йўлаклар: Тошкент метроси хавфсиз бошпана бўла оладими?
Ўзбекистон | 10:00 / 12.04.2025
Leapmotor автомобилларининг Ўзбекистонга импорти чеклангани юзасидан изоҳ берди
Ўзбекистон | 15:52 / 11.04.2025
“Яқин кунларда рекорд иссиқлик тўлқини кутилмоқда” – иқлимшунос Эркин Абдулаҳатов
Ўзбекистон | 13:00 / 10.04.2025
Сўнгги янгиликлар
-
ЕИ мигрантлар қайтариб юбориладиган еттита хавфсиз мамлакатни аниқлайди
Жаҳон | 20:51
-
Порошенко Зеленский офисини узурпацияда айблади
Жаҳон | 20:46
-
Сирдарё вилояти солиқ бошқармасига янги раҳбар тайинланди
Ўзбекистон | 20:45
-
15 апрел янгиликлари: Ўзбекистонда рўй берган муҳим воқеа ва ҳодисалар
Ўзбекистон | 20:43
Мавзуга оид
16:34
Миграция агентлигининг фирибгарлик ва жиноий даромадларни легаллаштиришда айбланган собиқ раҳбари оқланди
20:24 / 02.04.2025
Хоразмда пулини кўпайтириб беришни айтиб, мингдан ортиқ одамни чув туширган шахс ушланди
18:07 / 31.03.2025
“Gold terapi” изидан Таиландда ёхуд Хайрулла Касимов кирдикорлари – 3-қисм
12:20 / 17.03.2025
Юзлаб инсонларни чув туширган автолизингчиларга ҳукм ўқилди
