Дурдона Раҳимова Тошкент шаҳар ҳокими ўринбосари этиб тайинланди

У аввалроқ ҳам пойтахт ҳокимининг ўринбосари бўлиб ишлаганди.

Фото: Тошкент шаҳар ҳокимлиги

Тошкент шаҳар ҳокимининг ёшлар сиёсати, ижтимоий ривожлантириш ва маънавий-маърифий ишлар бўйича ўринбосари тайинланди.

Пойтахт ҳокимлиги хабарига кўра, бугунги кунга қадар ёшлар сиёсати ва спорт вазирининг ўринбосари вазифасида ишлаб келган Дурдона Раҳимова ушбу лавозимда фаолиятини давом эттиради.

Дурдона Раҳимова меҳнат фаолиятини 2012 йилда «Камолот» ёшлар ижтимоий ҳаракати Жиззах вилояти кенгаши иқтидорли ёшлар ва ёш олимлар билан ишлаш бўлими мудири сифатида бошлаган.

У аввалроқ ҳам Тошкент шаҳар ҳокимининг ёшлар сиёсати, ижтимоий ривожлантириш ва маънавий-маърифий ишлар бўйича ўринбосари бўлиб ишлаганди.

#Тошкент #Дурдона Раҳимова