Қўшимча функционаллар
-
Тунги кўриниш
Хитой Хонободда ёпиқ муз курорти қуришни режалаштиряпти
Лойиҳа қиймати 12 млн долларни ташкил этади. Унда 500 ўринли автотураргоҳ, спорт майдончалари, кинотеатр, ресторан ва бошқа хизмат кўрсатиш турлари йўлга қўйилиши режалаштирилмоқда.
Фото: Андижон вилояти ҳокимлиги
Андижонда Хитой инвестицияси асосида ёпиқ муз курорти қурилиши режалаштирилмоқда. Бу ҳақда вилоят ҳокимлиги хабар берди.
Вилоят ҳокими Шуҳрат Абдураҳмоновнинг Хитойдан ташриф буюрган инвесторлар билан ўтказилган учрашувида туризм соҳасини ривожлантириш ва хорижий сайёҳларни жалб этиш мақсадида 4 гектар майдонда ёпиқ муз курортини қуриш масалалари кўриб чиқилди.
Лойиҳа қиймати 12 млн долларни ташкил этиб, ёпиқ муз курортида 500 та автомобил кириш имкониятига эга автотураргоҳ, спорт майдончалари, кинотеатр, ресторан ва бошқа хизмат кўрсатиш фаолиятлари йўлга қўйилади.
Лойиҳа 365 кун, 24 соат мобайнида ишлаш қувватига мўлжалланган ҳолда ишлаб чиқилган. Лойиҳа учун ажратиладиган жой Хонобод шаҳридан таклиф этилган.
Шунингдек, томонлар меваларни қайта ишлаш орқали экспортни амалга ошириш имкониятларини ҳам муҳокама қилди.
Мавзуга оид
09:04 / 18.04.2025
40 млрд сўмлик кучли таъсир қилувчи моддани олиб кирмоқчи бўлганлар ушланди
20:21 / 16.04.2025
Шавкат Мирзиёев Андижонда «Имкониятлар олами» маркази билан танишди
16:04 / 16.04.2025
Самарасиз иссиқхоналар Андижонга кўчирилиб, аҳолига берилади
17:56 / 15.04.2025