Бектемир Мелиқўзиев яна нокаут эвазига ғалаба қозонди

Профессионал бокснинг супер ўрта (-76,2 кг) вазн тоифасида рингга чиқаётган Бектемир Мелиқўзиев (13-1, 10КО) ўзининг навбатдаги жангини ўтказди.

Алантес Фоксга (28-5-1, 13КО) қарши кечган беллашувнинг 4-раундида Бектемир томонидан берилган кетма-кет зарбалардан сўнг ҳакам жангни тўхтатди ва техник нокаут қайд этди.

Шу тариқа, Мелиқўзиев ўзининг WBA InterContinental чемпионлик камарини яна бир марта ҳимоя қилди.

Бектемир Мелиқўзиев 2023 йил апрелида мексикалик Габриэл Росадога қарши рингга кўтарилиб, ундан профи фаолиятидаги ягона мағлубияти учун реванш олганди.