Индонезия президенти Путинга Зеленскийнинг мактубини топширганини айтди 

Индонезия президенти Жоко Видодо Россия президенти Владимир Путинга украиналик ҳамкасби Володимир Зеленскийнинг мактубини топширганини маълум қилди.

У Москвага ташрифи олдидан Киевда Украина президенти билан учрашув ўтказганди.

"Мен президент Путинга президент Зеленскийнинг мактубини топширдим ва икки раҳбар ўртасида мулоқот ўрнатишга тайёрлигимни билдирдим", — деди Видодо.

Россия президентининг матбуот котиби Дмитрий Песков бу борада ҳеч қандай маълумотга эга эмаслигини айтди.

Киевдаги учрашувдан сўнг Видодо Зеленскийга Путинга мактуб йўллашни таклиф қилганини айтганди.