Россияда ўз поёнига етиб қолган жаҳон чемпионатининг финал учрашувида жаҳон кубогини майдонга тантанали равишда россиялик модель Наталья Водянова ва немис футболчиси, 2014 йилги жаҳон чемпиони Филипп Лам олиб чиқишади. Бу ҳақда ФИФА сайтида маълум қилинди.
Кубок махсус кейсда жойлаштирилади. Кейснинг замоги ва илгаги рутений металлидан тайёрланган бўлиб, бу металл Россия шарафига шундай аталган ва кимёвий элементлар даврий жадвалида Ru символи билан белгиланган.
Финал 15 июлда Москвадаги “Лужники” стадионида бўлиб ўтади. Унда Франция ва Хорватия жаҳон чемпиони унвони учун кураш олиб боради.