Sergelida skuter haydovchisi halok bo‘ldi

Sergeli tumani Mirzo Tursunzoda-Mehrigiyo ko‘chalari chorrahasida "Damas" va skuter to‘qnashishi oqibatida yo‘l-transport hodisasi sodir bo‘lgan.

Joriy yilning 2 iyun kuni soat 23:50 larda Sergeli tumani Mirzo Tursunzoda-Mehrigiyo ko‘chalari chorrahasida yo‘l-transport hodisasi ro‘y berdi.

Toshkent shahar IIBB YHXB xabariga ko‘ra, "Damas" rusumli transport vositasi va skuter mototransport vositasi to‘qnashishi oqibatida yo‘l-transport hodisasi sodir bo‘lgan.

YTH natijasida skuter mototransport vositasining haydovchisi voqea joyida vafot etgan.

Mazkur holat yuzasidan Toshkent shahar IIBB Tergov boshqarmasi tomonidan O‘zbekiston Respublikasi Jinoyat kodeksining 266-moddasi 2-qismi bilan jinoyat ishi qo‘zg‘atilib, dastlabki tergov harakatlari olib borilmoqda.

#skuter #YTH