Qoʻshimcha funksionallar
-
Tungi ko‘rinish
Qozog‘istonda sovuq tufayli yo‘lda qolib ketgan avtobuslardan o‘nlab o‘zbekistonliklar evakuatsiya qilindi
Aqto‘be oblastida noqulay ob-havo sharoiti tufayli yo‘lda qolib ketgan ikkita yo‘lovchi avtobusidan 69 nafar o‘zbekistonlik evakuatsiya qilindi. Ular umumta’lim maktabi va masjidga vaqtincha joylashtirilgan.

Foto: Aqto‘be viloyati Favqulodda vaziyatlar departamenti
11 yanvar kuni Qozog‘istonning bir necha kundan buyon sovuq harorat (-30 darajagacha) kuzatilayotgan Aqto‘be oblasti hududida, «Samara—Chimkent» avtomobil yo‘lida O‘zbekistonning jami 69 nafar fuqarosi bo‘lgan ikki avtobus noqulay ob-havo tufayli yo‘lda qolib ketdi. Qozog‘iston FVV xabariga ko‘ra, noqulay ob-havo oqibatida yo‘l to‘silib qolgani sababli barcha yo‘lovchilar Irg‘iz rayoni hududidagi umumta’lim maktabiga joylashtirilgan.
Bu avtobusda Qozog‘istonning 3 nafar va O‘zbekistonning 38 nafar fuqarosi bo‘lgan.

Shu kuni Aytekebiy rayonida, xuddi shu trassaning 968-kilometrida yana bir yo‘lovchi avtobusiga yordam zarurligi haqida ma’lumot kelib tushgan. Avtobusda O‘zbekistonning 31 nafar fuqarosi bo‘lgan. Ular Qorabutak qishlog‘idagi masjidga joylashtirilgan.

Bundan oldinroq Rossiyaning Nijniy Novgorod oblastida 40 daraja sovuqda qolgan «Moskva-O‘zbekiston» yo‘nalishidagi mikroavtobusning 19 nafar yo‘lovchisi politsiya tomonidan qutqarilgani xabar qilingandi.
Mavzuga oid

15:17 / 24.07.2025
O‘zbekiston va Qozog‘iston sayg‘oqlarni saqlab qolish bo‘yicha memorandum imzolaydi

15:35 / 23.07.2025
Qozog‘iston ko‘chmas mulk bozori. Narxlar qanday?

15:24 / 22.07.2025
O‘zbekiston va Qozog‘iston chegarasida 450 metrli tunnel aniqlandi

18:58 / 21.07.2025