Қўшимча функционаллар
-
Тунги кўриниш
Францияда медузалар АЭС ишини тўхтатиб қўйди
Улар Шимолий денгизда ҳарорат кўтарилиши туфайли у ерга келиб қолишган.

REUTERS/Pascal Rossignol
Франция шимолидаги Гравлин атом электр станцияси фаолияти совитиш тизимларида медузалар тўпланиб қолгани сабабли тўхтатилди.
Насос станцияларининг филтрловчи барабанлари «оммавий ва кутилмаган» миқдордаги медузалар билан тўлгани сабабли учта реактор автоматик равишда тўхтаб қолди. Бир неча соатдан сўнг яна бир реактор қўлда ўчирилди.
Reuters манбаси маълум қилишича, филтрловчи насосларга зарар етмаган - уларни шунчаки тозалаш керак, шундан сўнг станция ўз ишини давом эттира олади. Оператор компаниянинг таъкидлашича, ҳодиса объект, ходимлар ва атроф-муҳит учун хавф туғдирмаган.
Тахминларга кўра, ҳодисанинг асл сабаби иқлим инқирози бўлиши мумкин. Станцияни совитиш учун сув Шимолий денгиздан келади. Сув ҳарорати кўтарилиши туфайли сўнгги йилларда АЭС атрофидаги пляжларда медузалар сони кўпайиши кузатилмоқда.
Гравлин АЭС Франциядаги энг йирик атом электр станциясидир. Унинг реакторларининг умумий қуввати 5460 мегаваттни ташкил этади.
Мавзуга оид

00:36
Макрон Нетаняҳунинг Ғазони босиб олиш режасини фалокат деб ҳисобламоқда

18:40 / 09.08.2025
Жаримабозлик: Экология вазирлиги фақат жарима ўйлаб топгани тузилганми?

17:43 / 09.08.2025
Ўзбекистонда АЭС қурилиши 2026 йил март ойида бошланади — Аҳмадхўжаев

18:22 / 08.08.2025