Залужний Россияга қарши уруш 2034 йилгача давом этишини башорат қилди

Украина Қуролли кучларининг собиқ бош қўмондони аввало мудофаани шакллантиришга чақирди.

Фото: AP

Украина 2024 йилдан урушнинг янги босқичига кирди, бу Россия босқинининг бошидагидан сезиларли даражада фарқ қилади, деди мамлакатнинг Буюк Британиядаги элчиси, Украина Қуролли кучларининг собиқ бош қўмондони Валерий Залужний.

Унинг таъкидлашича, душман жанговар ҳаракатларни олиб боришга ёндашувни ўзгартирган ва энди олдинга силжишдан кўра кўпроқ армияни ҳам, тинч аҳолини ҳам ҳолдан тойдиришга қаратилган тактикани қўлламоқда.

«Агар биз келажак учун ўз мудофаамизни шакллантирмасдан фақат ўт очишни тўхтатишга ҳаракат қилсак, унда уруш яна давом этади. Ва 2014 йилда бошланган уруш 2034 йилда якунланиши мумкин», деди Залужний.

Унинг сўзларига кўра, 2022 йилда олдинда танклар, уларнинг ортида эса кўпсонли шахсий таркиб ҳаракатланган. Иккинчи жаҳон уруши намунасидаги бундай уруш 2023 йил декабр ойида тугаган ва энди танклар ва аскарлар «ўрин алмашган».

«Ҳозир фронт чизиғи асосан жангчиларни йўқ қилишга қаратилган», деди у.

Украина қуролли кучлари собиқ бош қўмондони уруш тугашини яқинлаштириш учун Украина мудофаа стратегияси ва ресурсларни сафарбар қилиш ёндашувларини қайта кўриб чиқиши кераклигини қўшимча қилди.

#Украина #Россия #Валерий Залужний