Исроил Эрон кассетали ўқ-дорилардан фойдаланаётганини маълум қилди

Эрон 19 июн куни зарба беришда ишлатган ракеталарнинг бир қисми кассетали ўқ-дорилар билан жиҳозланган, деб хабар берди ЦАҲАЛ.

Фото: Marc Israel Sellem/POOL/AP Photo/picture alliance

Эрон ҳарбийлари 19 июн, пайшанба куни Исроилни ўққа тутиши чоғида кассетали ўқ-дорилардан фойдаланган, дея хабар беради Исроил мудофаа кучлари (ЦАҲАЛ). Хусусан, Беэр-Шева шаҳридаги касалхонага келиб тушган ракеталардан бири кассетали ўқ-дорилар билан жиҳозланган — бундан зарба жойларидан бири таҳлилининг дастлабки натижалари далолат беради, деб ёзади "Едиот Аҳронот" газетаси ҳарбий манбаларга таяниб.

Ҳарбийларнинг хабар беришича, эрталабки отишма чоғида ракеталардан бирининг жанговар каллаги тахминан 7 километр баландликдан тушиб кетаётганда бўлинган ва 8 километр радиусда 20 га яқин кичикроқ ўқ-дориларни сочган. Бундай ўқ-дорилар бошқарилмайди, балки шунчаки ерга тушади ва кейинчалик портлайди.

Оғирлиги тахминан 2,5 килограмм бўлган жанговар каллакка эга ушбу ўқ-дорилардан бири Исроил марказидаги турар жой биносига келиб тушган. ЦАҲАЛнинг тушунтиришича, зарбадан кўрилган зарар кичик ракета билан тенг.

Ҳарбийларнинг хабар беришича, сапёрлар 20 та шундай бомбани топиб зарарсизлантирган, бироқ улар бошқа қолмаганлигини аниқ айта олмайди. ЦАҲАЛ аҳолини портлаш хавфи туфайли ракеталар қолдиқларига тегмаслик ва уларга яқинлашмаслик ҳақида огоҳлантирди. Кассетали ўқ-дорилардан фойдаланиш 2008 йилда 108 давлат томонидан имзоланган конвенция билан тақиқланган. Бироқ Исроил ва Эрон унинг иштирокчиси эмас.

#Эрон #Исроил

Исроил 13 июнга ўтар кечаси Эрон бўйлаб зарба беришни бошлади. Ҳаво ҳужумлари нишонлари уранни бойитиш бўйича корхоналар, ракета базалари, шунингдек Ислом инқилоби муҳофизлари раҳбарияти ҳамда ядро соҳасидаги олимлар бўлмоқда.