Қўшимча функционаллар
-
Тунги кўриниш
Исроил аскарлари Ғазода ёрдам олишга йиғилганларга қарата ўт очди
Очлик ва блокада шароитида фаластинликлар ҳатто ёрдам тарқатиш пунктларида ҳам нишонга айланмоқда.
Фото: AP
Исроил аскарларининг гуманитар ёрдам тарқатиш пунктида тўпланган Ғазо аҳолисига қарата ўт очиши оқибатида камида 20 нафар фаластинлик яраланган, улардан бири оғир аҳволда. Бу ҳақда Фаластиннинг WAFA давлат агентлиги хабар берди.
Агентлик маълумотларига кўра, ҳодиса секторнинг марказий қисмидаги Дайр ал-Балоҳ шаҳридаги Бурейж қочқинлар лагери яқинида содир бўлган. Одамлар очарчилик кучайиб бораётган бир пайтда озиқ-овқат олиш умидида келган.
Исроил Ғазога оммавий ҳужумларни давом эттириб, инсонпарварлик ёрдами киришини чеклаб, гуманитар фалокатни янада кучайтирмоқда. Озиқ-овқат етишмаслигига қарамай, фаластинликлар омон қолишга уринар экан, тобора кўпроқ ёрдам пунктлари нишонига айланмоқда.
Фаластин ҳукуматининг Ғазодаги матбуот бўлими аввалроқ 26-28 май кунлари Исроил ҳужумларида гуманитар марказларга йўл олган 10 нафар фаластинлик ҳалок бўлганини хабар қилган эди.
Блокада давом этар экан, Исроил гуманитар ёрдам йўлларини назорат қилишга интилмоқда, бу озиқ-овқат тарқатиш пунктларида тартибсизлик ва зўравонликка олиб келяпти.
Исроил ва Фаластин можароси
Мавзуга оид
16:38 / 01.06.2025
Исроил танклари Ғазодаги ёрдам тарқатиш марказини ўққа тутди: 26 киши ҳалок бўлди
14:42 / 31.05.2025
Россия ТИВ: АҚШ Исроилни Фаластин давлатини яратиш истиқболларини йўқ қилишда қўллаб-қувватлаяпти
14:14 / 31.05.2025
Исроил Ғазо шимолидан фаластинликларни мажбуран кўчиришни бошлади
10:47 / 31.05.2025