Қўшимча функционаллар
-
Тунги кўриниш
Ижтимоий тармоқлар ўсмирларда депрессияни кучайтириши исботланди
Аниқланишича, ўсмирлар ижтимоий тармоқларда қанча кўп вақт ўтказса, уларнинг руҳий тушкунлик аломатлари шунчалик оғирлашади.
Фото: Shutterstock
Яқинда ўтказилган тадқиқот ўсмирларда депрессия ва ижтимоий тармоқлардан фойдаланиш ўртасидаги боғлиқликни кўрсатди. Сан-Франсискодаги Калифорния университети олимлари болаларнинг ижтимоий тармоқларда кўпроқ вақт ўтказиши билан улардаги депрессия аломатлари кучаяди, деган хулосага келди.
Университетнинг педиатрия кафедраси доценти, тиббиёт фанлари доктори Жейсон Нагата бошчилигидаги олимлар жамоаси 9 ёшдан 10 ёшгача бўлган 12 мингга яқин болалар ва уч йилдан сўнг 12 ва 13 ёшли болалар маълумотларини таҳлил қилди.
Аниқланишича, ўсмирлар ижтимоий тармоқларда қанча кўп вақт ўтказса, уларнинг руҳий тушкунлик аломатлари шунчалик оғирлашган. Аммо бунинг акси эмас, янада оғир руҳий тушкунлик иштирокчиларнинг ижтимоий тармоқлардан тез-тез фойдаланишига олиб келмаган.
Тадқиқотнинг уч йили давомида болаларнинг ижтимоий тармоқлардан фойдаланиши кунига ўртача 7 дақиқадан 73 дақиқагача ошган. Уларнинг депрессия белгилари 35 фоизга кўпайган. Тадқиқот натижалари JAMA Network Open порталида чоп этилди.
Эслатма, янгилик кўринишидаги материалларни шифокор ташхиси билан тенглаштирмаслик керак. Қарор қабул қилишдан олдин мутахассис билан маслаҳатлашинг.
Мавзуга оид
18:41 / 25.06.2025
АҚШда робот кўкрак қафасини очмасдан биринчи юрак трансплантациясини амалга оширди
15:04 / 21.06.2025
АҚШ элчихонаси: Таълим визаларига талабгор ўзбекистонликларнинг ижтимоий тармоқдаги аккаунтлари очиқ бўлиши керак
15:41 / 20.06.2025
Ўзбекистонда давлат хизматчиларининг ижтимоий тармоқдаги саҳифалари бўйича маълумотлар базаси тўпланади
16:25 / 21.05.2025