Қўшимча функционаллар
-
Тунги кўриниш
Жамият | 08:09 / 29.04.2025
4103
1 дақиқада ўқилади
Тошкентдаги кўчалардан бири 24 соатга ёпилди
Тошкент шаҳридаги Кичик ҳалқа автомобиль йўлининг Тахтапул дарвоза кўчаси кесишмасидан Ифтихор кўчаси кесишмасигача бўлган қисми автомашиналар ҳаракати учун ёпилди.
Фото: Тошкент шаҳар ҳокимлиги
Пойтахт ҳокимлиги маълум қилишича, бунга Шайхонтоҳур ва Юнусобод туманларида амалга оширилаётган қурилиш-монтаж ишлари сабаб бўлди.
Шу боис, кўчанинг бир қисми 28 апрель соат 22:00 дан 29 апрель соат 22:00 гача транспорт воситалари ҳаракати учун вақтинча ёпилди.
Белгиланган муддат давомида ҳаракатланиш учун муқобил йўллардан фойдаланиш тавсия этилган.
