Транспорт вазирлиги Қозоғистон орқали ҳаракатланаётган ҳайдовчиларни огоҳлантирди

Ҳайдовчилар йўл ҳаракати қоидаларига қатъий амал қилишга чақирилди.

Фото: Миграция агентлиги

Транспорт вазирлиги Қозоғистон орқали транзит ҳаракатланаётган ўзбекистонлик ҳайдовчиларга мурожаат қилди.

Қайд қилинишича, Ўзбекистон фуқаролари Қозоғистон ҳудудига киришда тақиқ борлиги сабабли муаммоларга дуч келмоқда. Қозоғистонда йўл ҳаракати қоидаларини бузганлиги учун маъмурий чора кўрилган ва жарима белгиланган, аммо жаримани тўламаган ҳайдовчиларга нисбатан тақиқ қўйилган.

Улар Қозоғистоннинг «Каспи банк» онлайн тизими орқали жаримани тўлагандан сўнг, тақиқни олиб ташлаш бўйича чоралар кўрилади.

Транспорт вазирлиги ҳайдовчиларни йўл ҳаракати қоидаларига қатъий амал қилишга чақирди.

#тақиқ #Қозоғистон #Транспорт вазирлиги