Қўшимча функционаллар
-
Тунги кўриниш
Чорсудаги бешик бозорида дўконлардан бири ёниб кетди
Ёнғинга қисқа туташув сабаб бўлгани айтилмоқда. Дўкон эгалари аввалига ёнғинни ўзлари ўчиришга уринишган, лекин эшикни очишганида ичкарига кислород кириб, ёнғин катталашиб кетган. 5-6 млн сўмлик товарлар ёнди, дейди дўкондор.

Бугун, 8 апрел куни соат 7:30 ларда Тошкентдаги Чорсу бозори яқинида жойлашган дурадгорлик маҳсулотлари дўконларидан бирида ёнғин содир бўлди. Дастлабки маълумотларга кўра, ёнғин қисқа туташувдан келиб чиққан.
Тошкент шаҳар ФВБнинг хабар беришича, ёнғин-қутқарув экипажлари айтилган манзилга соат 7:47 да етиб бориб, соат 7:57 да хавфни бартараф этган.
Дўкон эгасининг Kun.uz мухбирига айтишича, кичик ёнғин дўкон эшигини очишганидан кейин катталашиб кетган.
“Ёнғинни ўчиришга ҳаракат қилдик. Қўлимиздан келмади: эшикни очганимизда ичкарига ҳаво кириб, ёнғин кучайиб кетди. Дўконнинг 50 фоизи ёнган, тахминан 5-6 млн сўмлик товар ёнди”, дейди у.
Савдогарнинг сўзларига кўра, ёнғин-қутқарув экипажи 10 дақиқада етиб келган ва ёнғин тахминан 1 соатда тўлиқ ўчирилган.
Эслатиб ўтамиз, ўтган йилнинг ёзида Чорсу бозоридаги бир нечта дўконда бундан каттароқ ёнғин юз берганди.
Мавзуга оид

16:43 / 26.07.2025
Ўрмон ёнғинлари ҳаво исиётгани билан боғлиқми? Уларнинг олдини олиш чоралари мавжудми?

15:11 / 26.07.2025
Яккасарой туманидаги ёнғинда еттита арча дарахти ёниб кетди

12:45 / 25.07.2025
“Сурхондарёнинг “ўпкаси” ёниб кетяпти” – Шерободдаги ёнғин давом этаётгани маълум бўлди

21:48 / 24.07.2025