Қўшимча функционаллар
-
Тунги кўриниш
Тошкентда «Газел» уриб юборган пиёда ҳалок бўлди
Мирзо Улуғбек туманида «Газел» йўлни белгиланмаган жойидан кесиб ўтаётган пиёдани уриб юборди. Жабрланувчи воқеа жойида ҳалок бўлди. Ҳолат юзасидан жиноят иши қўзғатилди.
Фото: Ижтимоий тармоқлар
Тошкент шаҳар ИИББ Мирзо Улуғбек туманида содир бўлган йўл-транспорт ҳодисаси юзасидан маълумот берди.
Қайд этилишича, 21 январ куни соат 09:40 ларда Мирзо Улуғбек тумани Буюк Ипак йўли кўчасида 60 ёшли ҳайдовчи О.С. «ГАЗ-32221» русумли автомашинасини бошқариб кетаётиб, йўлнинг белгиланмаган жойидан кесиб ўтаётган 32 ёшли пиёда Д.Т.ни уриб юборган.
Сўнг ҳайдовчи рул бошқарувини йўқотиб 35 ёшли З.З. бошқарувидаги BYD русумли автомашинасига тўқнашган. Тўқнашув зарбидан сўнг BYD 69 ёшли Р.Т. бошқарувида бўлган Matiz’га урилган.
ЙТҲ оқибатида пиёда олган тан жароҳатлари туфайли воқеа жойида вафот этган.
Ҳолат юзасидан Тошкент шаҳар ИИББ Тергов бошқармаси томонидан Жиноят кодексининг 266-моддаси (транспорт воситалари ҳаракати ёки улардан фойдаланиш хавфсизлиги қоидаларини бузиш) 2-қисми билан жиноят иши қўзғатилган. Тергов давом этмоқда.
Мавзуга оид
18:22 / 15.07.2025
Тошкент шаҳар ҳокимлиги Ўрикзор бозори ёпилиши ҳақидаги хабарларни рад этди
23:38 / 14.07.2025
Тошкент шаҳри прокурори Президент администрацияси Комплаенс хизмати бошлиғи лавозимига тайинланди
21:42 / 14.07.2025
Банк карталардан 1 млрд сўмга яқин пулларни ўзлаштирган жиноий гуруҳ қўлга олинди
14:34 / 14.07.2025