Қўшимча функционаллар
-
Тунги кўриниш
Жамият | 16:43 / 27.11.2024
5396
1 дақиқада ўқилади
Наманганда JAC пикапи ёниб кетди
Ҳаракатланиб кетаётган машинада ёнғин чиққан ва у буткул ёниб кетган.
26 ноябр куни Поп тумани Калтабозор кўчасида ҳаракатланиб кетаётган JАC пикапида ёнғин содир бўлди. Ҳолат бўйича вилоят Фавқулодда вазиятлар бошқармаси расмий муносабат билдирди.
Маълум бўлишича, соат 10:48 да машинада ёнғин чиққани ҳақида туман ФВБга хабар келиб тушган. Ўт ўчирувчилар 10 дақиқада ёнғин жойига етиб бориб, 5 дақиқада уни бартараф қилган.
Ёнғин натижасида автомобил тўлиқ ёниб кетган. Ҳайдовчи ва автомобилга тегишли бўлган хужжатлар ҳам ёниб зарарланган.
Таъкидланишича, ёнғиндан ҳеч ким жароҳатланмаган. Ҳозирда терговга қадар суриштирув ишлари олиб борилмоқда.
