Қўшимча функционаллар
-
Тунги кўриниш
Тошкентда электробус музлама сабаб йўл четидаги устунга бориб урилди
Учтепа туманида Yutong русумли электробус йўлдаги музламада бошқарувни йўқотиб, йўл четидаги симёғочга урилди. Ҳодиса оқибатида жароҳатланганлар йўқ.
Фото: Ижтимоий тармоқлар
Жорий йилнинг 14 декабр куни соат 09:15 ларда «18-Автобус саройи» филиали тасарруфидаги Yutong русумли, 53-сонли йўналишда ҳаракатланаётган ҳайдовчи А.А (стажи 7 йил) бошқарувидаги электробус иштирокида ЙТҲ қайд этилди.
«Тошшаҳартрансхизмат» хабарига кўра, у Учтепа тумани, Ўрикзор маҳалласи, Зарафшон кўчаси бўйлаб ҳаракатланиб бораётган вақтда, йўлдаги музлама сабабли бошқарувни йўқотиб йўл четидаги устунга бориб урилган.
Мазкур йўл-транспорт ҳодисаси натижасида тан жароҳати олганлар йўқ. Yutong русумли электробус техник шикастланган.
Ҳозирда ушбу йўл-транспорт ҳодисаси Тошкент шаҳар ИИББ ЙҲХБ ходимлари томонидан расмийлаштирилиб, суриштирув ишлари олиб бориляпти.
Мавзуга оид
16:13 / 28.07.2025
Тошкент аэропорти қаршисидаги кўприк реконструкциясининг қиймати маълум бўлди
13:15 / 28.07.2025
Тошкентда ҳужжатлари тўлиқ бўлмаган 59 та уй-жой қурилиши тўхтатилди
23:59 / 25.07.2025
Свет ўчмаган кун йўқ: Тошкент электрсиз қийналмоқда
18:40 / 25.07.2025