Қўшимча функционаллар
-
Тунги кўриниш
Қирғизистон ҳукумати Россияни мигрантларни тиббий суғурта билан таъминлашга чақирди
Мамлакат ўз фуқароларининг Россияда бўлиши учун қулай шарт-шароитлар яратилишини сўрамоқда.
Фото: Владимир Гердо/ТАСС
Қирғизистон ҳукумати раисининг ўринбосари Эдил Байсалов Россия ҳукуматидан меҳнат муҳожирларининг оилаларини мажбурий тиббий суғурта (МТС) билан таъминлашни сўради. Бу ҳақда у Россия ҳукумати раиси ўринбосари Татяна Голикова билан музокаралар чоғида маълум қилди.
«Байсалов бу масала ижобий кўриб чиқилишига умид билдирди ва мажбурий тиббий суғурта билан таъминлаш Қирғизистон фуқароларининг Россияда бўлиши учун қулай шарт-шароитлар яратишга ёрдам беришини таъкидлади», дейилади Қирғизистон ҳукумати хабарида.
Байсаловнинг қўшимча қилишича, Қирғизистондан Россияга бораётган меҳнат муҳожирлари иккитомонлама муносабатларни мустаҳкамлаб, мамлакатлар ўртасидаги дўстона алоқаларни чуқурлаштирмоқда. Россия ҳукумати хабарида Қирғизистон фуқароларини мажбурий тиббий суғурта қилиш таклифи тилга олинмаган.
Россия қонунчилигига кўра, мажбурий тиббий суғуртага эга бўлмаган шахслар бепул тибий ёрдам ололмайди. Уларга фақат шошилинч тиббий ёрдам кўрсатилиши мумкин.
Мавзуга оид
23:11 / 18.04.2025
Тошкент ва Москва мигрантларни танлаб олиш жараёнини Ўзбекистонга кўчириш устида ишламоқда
22:04 / 18.04.2025
Мигрантлар учун рус тили имтиҳонлари Россия бюджетига 30 миллион доллар келтирди
09:26 / 17.04.2025
Евроиттифоқ миграция сиёсатини кучайтирмоқда
16:59 / 14.04.2025