Қўшимча функционаллар
-
Тунги кўриниш
Қора танли намойишчилар етакчиси "АҚШга ўт қўйиш" билан таҳдид қилди
Хоук Ньюсом зўравонликни оқламаслигини, аммо бу курашнинг ягона самарали усули деб ҳисоблашини айтди.
Фото: Stephanie Keith/Getty Images
Агарда Америка ҳукумати талабларни бажармайдиган бўлса, Black Lives Matter тарафдорлари "тизимга ўт қўяди ва уни алмаштиради", деди ташкилотнинг Нью-Йоркдаги бўлими раҳбари Хоук Ньюсом Fox News телеканали эфирида.
Унинг сўзларига кўра, Америка тизими мустақиллик урушидан бошлаб зўравонликка асосланган.
"АҚШ режимларга аралашади ва уларни йўқ қилади, уларнинг раҳбарларини ўзларига ёққанлар билан алмаштиради. Шундай экан, ҳар қандай америкаликнинг бизни зўравонликка мойил дейиши иккиюзламачиликдир", — деди Ньюсом.
У зўравонликни оқламаслигини, аммо бу курашнинг ягона самарали усули деб ҳисоблашини айтди. Ньюсом қора танлилар ўз мақсадига эришган 60-йиллардаги воқеаларни мисол қилиб келтирди.
"Агар бу мамлакат биз истаган нарсани бермаса, биз бу тизимга ўт қўямиз ва уни алмаштирамиз", — деди у.
Миннеаполисда афроамерикалик Жорж Флойд полиция томонидан қўлга олиш чоғида ҳалок бўлганидан сўнг АҚШдаги шаҳарларда норозилик намойишлари ва тартибсизликлар бўлиб ўтди. Намойишчилар зўравонлик ва ирқчиликка чек қўйишни талаб қилди.
Миннеаполисдаги намойишлар
Мавзуга оид
02:32
АҚШ Сенати қўмитаси Украинага 500 млн долларлик ёрдам ажратишни маъқуллади
19:55 / 11.07.2025
Суд Трампнинг туғилиш ҳолати бўйича АҚШ фуқаролигини беришни чеклашга оид фармонини блоклади
19:35 / 11.07.2025
АҚШ Давлат департаменти 1,3 мингдан ортиқ ходимини ишдан бўшатишга қарор қилди — AP
19:34 / 11.07.2025