Қўшимча функционаллар
-
Тунги кўриниш
Анқара АҚШни курд кучлари кийимидаги америкалик ҳарбийларга зарба беришидан огоҳлантирди
Фото: EPA/MARIJAN MURAT
Суриялик курдларнинг мудофаа кучлари (YPG) кийимини кийиб олган америкалик ҳарбийлар Туркия қуролли кучларининг Суриядаги ҳарбий амалиёти нишонига айланиши мумкин. Бу ҳақда Туркия бош вазири ўринбосари Бакир Бўздаг айтиб ўтди.
Охирги вақтда АҚШ YPG’га кўмак кўрсатаётгани сабабли Анқара ва Вашингтоннинг муносабатлари кескинлашган.
“Агар террорчилар (YPG) Суриянинг Манбижини тарк этмасалар, унда биз бу ҳудудда ҳамда Фрот дарёсидан шарқда ҳам амалиёт бошлаймиз. YPG кийимидаги АҚШ ҳарбийлари ҳам қуролли кучларимиз нишонига айланади”, деб айтган Бўздаг CNN Turk телеканали эфирида.
Бўздаг 31 январда Вашингтонни Сурияда америкалик ва туркиялик ҳарбийлар тўқнашмаслиги учун чоралар кўришга чақирганди. Унинг айтишича, Анқара бу юз бермаслиги учун барча чорани кўрмоқда, бироқ АҚШ ҳам бунинг учун ҳаракат қилиши лозим.
Туркия 20 январдан бошлаб Суриянинг Афринида курд тузилмаларига қарши ҳарбий амалиёт олиб бормоқда. Бунда Анқарага Сурия озод армияси жангчилари кўмак кўрсатмоқда.
Туркиянинг Сурияга кириши
Туркия қуролли кучлари Суриянинг Африн минтақасидаги қуролланган курд бўлинмаларига қарши қуруқликдаги ҳарбий операцияни амалда бошлади.
Мавзуга оид
15:22 / 19.04.2025
Хитой АҚШдан суюлтирилган табиий газ сотиб олишни тўхтатди
13:03 / 19.04.2025
Сафини кенгайтириб олган ҲАМАС, Украина шаҳарларига ракета ҳужуми ва Суриядаги базаларини ёпаётган АҚШ — кун дайжести
11:33 / 19.04.2025
Reuters: Эрон АҚШ билан янги ядровий келишув учун кафолатлар олишни истаяпти
08:35 / 19.04.2025