Peskov: Kiyev bilan munosabatlar - Moskva «vazifalari» bajarilganidan keyin

Rossiya va Ukraina o‘rtasidagi bo‘lajak munosabatlar mavzusi «hozir o‘ta nazariy savol», bu munosabatlar «SVO vazifalari» (Rossiyaning Ukrainadagi urushi) bajarilgandan keyingina quriladi, dedi Rossiya prezidenti matbuot kotibi Dmitriy Peskov TASS davlat agentligining savoliga javob berar ekan.

«Biz uchun buni siyosiy va diplomatik vositalar bilan qilish afzalroq va SVO bu vositalar imkonsiz bo‘lib qolgan, muloqot bo‘yicha barcha takliflar Ukrainaning o‘zi va g‘arbliklar tomonidan rad etilgan sharoitda davom etmoqda», dedi matbuot kotibi. Unga ko‘ra, avvalo vaziyatni hal qilish, keyin munosabatlar qanday yo‘lga qo‘yilishi haqida o‘ylash kerak.

Bundan uch kun avval Peskov Rossiya Federatsiyasi va Ukraina prezidentlari o‘rtasida 14 iyul kuni AQSh prezidenti Donald Tramp tomonidan e’lon qilingan 50 kunlik ultimatum muddati tugagunga qadar to‘g‘ridan to‘g‘ri uchrashuv o‘tkazish ehtimoliga shubha bilan qaragandi. U yana bir bor bunday uchrashuv «kelishuvga chek qo‘yishi va ushbu kelishuvlarning ishlab chiqiladigan usullarini ishlab chiqish yo‘lini aniqlash kerak»ligini ta’kidladi. Uning fikricha, bu jarayon 30 kun ichida amalga oshmaydi.

Amerikaning Bloomberg axborot agentligi manbalarga tayanib, 16 may kuni Ukraina bilan bir kun avval Istanbulda bo‘lib o‘tgan to‘g‘ridan to‘g‘ri muzokaralarning birinchi raundida Rossiya ilgari surgan asosiy shartlar ro‘yxatini e’lon qildi.