Toshkentda BMW mototsikli ishtirokida YTH sodir bo‘ldi

YTH natijasida mototsikl haydovchisi va yo‘lovchisiga shifokorlar tomonidan birinchi tez tibbiy yordam ko‘rsatilgan.

Illyustrativ foto

Joriy yilning 28 aprel kuni soat 01:10 larda Yashnobod tumani Istiqbol ko‘chasida yo‘l-transport hodisasi yuz berdi.

Toshkent shahar IIBB YHXB xabariga ko‘ra, 2002 yilda tug‘ilgan M.M. BMW rusumli mototsiklini boshqarib ketayotib, rul boshqaruvini yo‘qotgan va yiqilib, yo‘l-transport hodisasi sodir bo‘lgan.

YTH natijasida BMW rusumli mototsikl haydovchisi va yo‘lovchisi, 2005 yilda tug‘ilgan O.U.ga shifokorlar tomonidan birinchi tez tibbiy yordam ko‘rsatilgan.

Holat yuzasidan Toshkent shahar IIBB YHXB mas’ul xodimlari tomonidan surishtiruv ishlari olib borilmoqda.

#mototsikl #BMW