Apple yangi iMac’ni taqdim etdi

Foto: Apple

Apple iMac ish stoli kompyuterlarining yangi modelini taqdim etdi, deb yozmoqda vc.ru. Apple oxirgi marta yangi iMac’ni 2017 yil yozida chiqargandi.

Apple’dan ma'lum qilishlaricha, 4K (21,5 dyuymli ekranga ega versiya) yoki 5K (27 dyuym) kenglikka ega yangi iMac oldingi modellarga qaraganda ancha kuchliroq. U 4K yoki 5K kenglikka ega Retina displeyi bilan jihozlangan - «Mac tarixidagi eng yaxshi Retina displeyi».

iMac sakkizinchi va to‘qqizinchi avloddagi Intel Core protsessorlari, Fusion Drive (27 dyuymli barcha modellarga o‘rnatiladi va 21,5 dyuym uchun ham mavjud) yuqori tezlikdagi to‘plagich hamda Radeon Pro 500X grafik protsessori bilan jihozlangan.

21,5 dyuymli displeyga ega iMac’ning narxi 14 mln so‘mdan, 27 dyuymli versiya uchun - 19 mln so‘mdan boshlanadi.