Suriyaga 100dan ortiq raketa uchirildi – Rossiya

Foto: AP Photo/Hassan Ammar

AQSh, Buyuk Britaniya va Fransiya Suriya hududiga qarata 100dan ortiq qanotli raketa va «havo-yer» sinfidagi raketalarni uchirdi. Bu haqda Rossiya Mudofaa vazirligi xabar berdi, deb yozmoqda RIA «Novosti».

«Suriya Arab Respublikasining harbiy va fuqarolik obektlariga AQSh, Buyuk Britaniya, Fransiya havo kuchlari va dengiz tashuvchilari tomonidan 100tadan ortiq qanotli raketalar va «havo-yer» sinfidagi raketalar uchirildi», - deya aytib o‘tishgan mahkamadan.

Vazirlik ma'lumotlariga ko‘ra, zarbalar AQSh HDKning Qizil dengizda joylashgan ikkita kemasidan, O‘rta Yer dengiz suvlari uzra taktik aviatsiyadan, shuningdek, AQShning B-1B strategik bombardimonchilari tomonidan At-Tanf tumanidan berilgan.

Xabarda ta'kidlanishicha, raketalarning aksariyati Suriya havo hujumidan mudofaa tizimlari obektlariga yaqinlashib kelganida urib tushirilgan.

Eslatib o‘tamiz, avvalroq Suriya hukumati AQSh, Britaniya va Fransiya raketa zarbalari nishoniga aylangan harbiy obektlarni avvaldan evakuatsiya qilishga ulgurgani, bu haqdagi ogohlantiruv Rossiya tomonidan berilgani xabar qilingandi.

#Rossiya #Suriya

AQSh prezidenti Donald Tramp 14 aprel kuni Suriyaga nisbatan raketa hujumi boshlanganini bildirdi. AQSh va uning ittifoqchilari Suriyada kimyoviy qurollar ishlatilishiga javoban Asad hukumatiga qarshi harbiy amaliyot o‘tkazmoqda.