Исроил армиясининг Ғазога ҳужумида бир кунда 97 киши ҳалок бўлди

2023 йил 7 октябрдан бери эксклавга қилинган йирик ҳужумлар 54 607 фаластинликнинг ҳаётига зомин бўлди.

Фото: Anadolu Agency

Исроилнинг блокададаги Ғазо секторига уюштирган ҳужумлари оқибатида ҳалок бўлганлар сони 54 607 нафарга етди.

Ғазодаги Фаластин Соғлиқни сақлаш вазирлиги маълумотларига кўра, фақат сўнгги 24 соат ичида содир этилган ҳужумларда 97 киши ҳалок бўлган, 440 киши жароҳатланган. 2023 йил 7 октябрдан бери жами жароҳатланганлар сони 125 341 нафарга етди.

Охирги 24 соатлик статистикада вайроналар остидан топилган икки қурбоннинг жасади ҳам бор.

Исроил 19 январда кучга кирган ўт очишни тўхтатиш келишуви тугаган кундан бошлаб, 18 мартдан бери Ғазога ҳужумларини қайта бошлади. Ўшандан бери 4335 фаластинлик ҳалок бўлди, 13 300 нафари яраланди.

#Исроил #Ғазо #сионизм

2023 йил 7 октябр куни Ғазо бўлгасидаги Ҳамас кучлари Исроилга ёппасига ракета зарбалари бериб, чегарадаги аҳоли пунктларини эгаллай бошлади. Бунга жавобан Исроил қўшинлари Ғазо бўлгасига бостириб кирди. Бу сафарги эскалация аввал кузатилмаган даражада кўп қурбонларга олиб келди.