Шумахернинг Ferrariʼси аукцион орқали 18 млн доллардан қимматроққа сотилди

Пойгачи ушбу машинада 2001 йилги «Формула-1» мусобақаларида жаҳон чемпионига айланган.

Фото: Alex Kalinauckas

«Михаэл Шумахер 2001 йилги «Формула-1» жаҳон чемпионатида ҳайдаган Ferrari пойга автомобили RM Sotheby’s аукционида 18,17 миллион долларга сотилди, деб хабар беради The New York Times.

Шумахер ушбу болидда 2001 йили Монако ва Венгриядаги Гран-приларда иштирок этиб, жаҳон чемпиони унвонини қўлга киритган.

Машина афсонавий немис пойгачиси бошқарган «Формула-1» автомобиллари орасида аукционда сотилган энг қиммат транспортга айланди.

Шумахер — «Формула-1»нинг етти карра чемпиони ва чемпионат тарихидаги энг яхши пойгачилардан бири.

2013 йилда карерасини якунлагандан кейин Шумахер Алп тоғларида чанғи учиш вақтида бошидан оғир жароҳат олган. 56 ёшли собиқ пойгачининг оиласи унинг шахсий ҳаётини матбуотдан яшириб келади ва унинг аҳволига оид тафсилотларни ошкор этмайди.

Кимошди савдосида сотилган Ferrari F2001 лотидан олдин фақат учта пойга машинаси қимматроқ нархда сотилган — уларнинг барчаси Mercedes жамоасига тегишли.

Аукционларда сотилган пойга автомобилларининг энг қиммати Mercedes W196 ҳисобланади. у 1950 йиллар ўрталарида «Формула-1»да иштирок этган ва 51,2 миллион еврога сотилган.

#Формула-1 #Михаэл Шумахер