Британия Россияга қарши санкцияларни яна кучайтирди

Европа Иттифоқи ортидан Буюк Британия тўрт йилдан бери Украинага қарши кенг кўламли уруш олиб бораётган Россияга қарши санкцияларни кенгайтирди. Янги чоралар «Россиянинг уруш машинасини, энергия экспортини ва ахборот урушини қўллаб-қувватловчи» ташкилотларга мўлжалланган», — дея маълум қилди Буюк Британия Ташқи ишлар вазирлиги 20 май, сешанба куни.

Бундан ташқари, жазо чоралари Россия Федерациясининг Украинага қарши урушини молиялашда иштирок этган «молиявий институтларга» қаратилган, дейилади баёнотда. Буюк Британиянинг қора рўйхатига, жумладан, «стратегик аҳамиятга эга бўлган молиявий хизматлар соҳасида бизнес юритиш орқали» фойда кўрадиган Омонатларни суғурталаш агентлиги ва Санкт-Петербург валюта биржаси ҳам бор.

Бундан ташқари, экспорт-импорт операциялари бўйича ҳисоб-китобларни амалга оширувчи «А7» молиявий компанияси, шунингдек, «Сургутинвестнефт», «ВТБ Регистратор» ва «ВТБ Специализированный депозитарий» компаниялари ҳам санкциялар остида қолди.

Санкциялар рўйхатига Россия «соядаги» флотининг яна 18 та кемаси ва 20 нафар шахс қўшилди. Британия ташқи ишлар вазири Дэвид Лэмми маълум қилишича, Россиянинг яқинда учувчисиз учоқлари томонидан амалга оширилган ҳужумлари Россия расмийлари «уруш қўзғатувчиси» эканлигини яна бир бор кўрсатди.