Қўшимча функционаллар
-
Тунги кўриниш
Бухоро шаҳрида 3 та машина ёниб кетди
Бухородаги автотураргоҳда Captiva, Lacetti ва Nexia-2 транспорт воситалари қисман ёниб кетди.
Фото: Бухоро вилояти Фавқулодда вазиятлар бошқармаси
Бухоро вилояти Фавқулодда вазиятлар бошқармаси Бухоро шаҳрида учта автомобил иштирокида содир бўлган ёнғин тўғрисида маълумот берди.
Қайд этилишича, бугун, 12 май куни соат 11:45 да «Фитрат» МФЙ, Миракон кўчасида жойлашган автотураргоҳда ёнғин бўлаётгани тўғрисида вилоят ФВБга хабар келиб тушган. Воқеа жойига учта ёнғин-қутқарув автоэкипажи жалб қилинган ва улар ёнғинни бартараф этган.
Ҳодиса оқибатида Lacetti, Captiva ва Nexia-2 русумли автомобиллари қисман ёнган.
«Ҳозирда ёнғиннинг келиб чиқиш сабаби ва моддий зарари аниқланмоқда. Ёнғин оқибатида фуқароларнинг куйиш тан жароҳати олиш ҳолатлари қайд этилмади», — дейилади хабарда.
Аввалроқ Тошкентда дарахтга урилган BYD ёниб кетгани, шунингдек, Яшнобод туманида Damas ва Cobalt автомобиллари ёнгани тўғрисида хабар берилганди.
Мавзуга оид
10:04
Тошкент туманида жойлашган уйларнинг бири ёниб кетди
21:22 / 03.07.2025
Крит оролида юзага келган ёнғинлар сабаб 1,5 мингдан ортиқ одам эвакуация қилинди
17:24 / 03.07.2025
Бухорода шифокор пичоқ билан ўзини жароҳатламоқчи бўлган фуқарони зарарсизлантирди
22:31 / 02.07.2025