ЕИ янги мудофаа лойиҳаларига қарийб 1 миллиард евро сарфлайди

Европа комиссияси Европа мудофаа жамғармаси дастури доирасида 62 та лойиҳага 910 миллион евро сармоя киритмоқда, унда нафақат Европа Иттифоқи давлатлари ва Норвегия, балки биринчи марта Украина ҳам иштирок этиши мумкин. Бу ҳақда 30 апрель, чоршанба куни Еврокомиссия матбуот хизмати хабар берди.

Инвестициялар Европанинг мудофаа қобилиятидаги қўшинларнинг ҳаракатчанлиги ва учувчисиз учоқлардаги мудофаа йўналиши каби асосий камчиликларни бартараф этишга қаратилган. Танловга жами 300 га яқин ариза топширилди. Танланган лойиҳалар орасида сунъий интеллект томонидан бошқариладиган сўнгги аэротизимларни ишлаб чиқишга қаратилган Украинанинг Small UAS'и ҳам бор.

Small UAS лойиҳаси ассоциацияланган шериклар сифатида иккита Украина компаниясини ўз ичига олади. Бундан ташқари, грант шартномасини тайёрлаш жараёнида украиналик субпудратчилар қўшилиши мумкин, деб тушунтирди Европа комиссияси DW'га.

Тўққизта лойиҳа илғор технологияларни яратишга бағишланган, хусусан, янги авлод яширин материалларни ишлаб чиқувчи METASTEALTH лойиҳаси. Бошқа мисоллар қаторига 2030 йилгача Европанинг кейинги авлод вертолётларини ишлаб чиқиш учун 45 дан ортиқ саноат компаниялари ва тадқиқот марказларини бирлаштирган ENGRTII лойиҳаси киради. Яна бир лойиҳа EUROSWEEP ягона автоном Европа мина тозалаш тизимини яратишни назарда тутади.

Бундан ташқари, йирик лойиҳалар оммавий қирғин қуролларидан мудофаа, аскарларни ҳимоя қилиш, сувости уруши каби бошқа тоифалар, шунингдек, сунъий интеллект, квант технологиялари ва кибернетика йўналишлари бўйича ҳам молиялаштирилади. Бюджети 78 миллион евро бўлган гипертовушли учиш аппаратларига қарши курашиш бўйича таснифланган лойиҳа танланди.