Қўшимча функционаллар
-
Тунги кўриниш
Россияга марказий осиёлик мигрантлар оқими камайгани айтилди
Меҳнат мигрантлари Хитой, Жанубий Корея, Яқин Шарқ ва Европа каби меҳнат миграцияси йўналишларини танлашни бошлагани таъкидланмоқда.
Фото: Михаил Воскресенский / РИА Новости
Марказий Осиё давлатлари фуқароларининг Россияда ишлаш истаги тобора камаймоқда ва шунинг учун улар Хитой, Жанубий Корея, Яқин Шарқ ва Европа каби меҳнат миграцияси йўналишларини танлашни бошлади. Бу ҳақда Россия ҳукумати қошидаги Молия университети профессори Александр Сафонов маълум қилди.
Мутахассис асосий сабабларни рубль курсининг тушиб кетгани, бу Марказий Осиё мамлакатлари резидентлари даромадларига таъсир қилгани, шунингдек, миграция сиёсатининг кескинлашуви деб атаган.
Шу билан бирга, таъкидланишича, республикаларнинг ўзлари фаол ривожланмоқда, Россия ва Хитой компаниялари ўз ишлаб чиқаришларини у ерга кўчирмоқда, шунинг учун мамлакатда иш ўринлари пайдо бўлмоқда. Ҳаттоки пастроқ маош ҳисобга олинса ҳам, ишчилар ўз мамлакатида қолиш орқали саёҳат ва ижара ҳақини тежаши мумкин.
Аввалроқ экспертлар 2025 йилда Россияга Ўзбекистон, Тожикистон ва Қирғизистондан анъанавий ишчи кучи ўрнини боса оладиган 35 минггача ҳиндистонлик ишчи келишини тахмин қилган эди. Шунингдек, бозорда Шри-Ланка, Непал ва Бангладешдан келган мигрантлар сони ортиб бораётгани таъкидланди.
Мавзуга оид
19:56
“Нархлар анча арзонроқ” — Қозоғистондан қайтаётган ўзбеклар ўзи билан нималар олиб киряпти?
13:15
Трампнинг Украина бўйича режаси баъзи шартлари эълон қилинди – ОАВ
10:34
Путин биринчи марта Украина билан тўғридан тўғри музокаралар ўтказишни таклиф қилди
08:55