Ўзбекистон ва Ҳиндистон Афғонистондаги вазиятни муҳокама қилди

Ўзбекистон президентининг Афғонистон бўйича махсус вакили Исматулла Эргашев Ҳиндистоннинг Vivekananda International Foundation таҳлилий маркази эксперти Сканд Ранжан Таял билан учрашув ўтказди.

Фото: Дунё

ТИВ маълумотига кўра, суҳбат чоғида минтақавий хавфсизлик масалалари, жумладан, Афғонистондаги вазиятни тартибга солиш бўйича мумкин бўлган биргаликдаги саъй-ҳаракатлар муҳокама қилинди.

Ўзбекистон томонидан тинч сиёсий жараённи бошлашга кўмаклашиш бўйича кўрилаётган чора-тадбирлар, шунингдек, Афғонистонда амалга оширилаётган транспорт-коммуникация лойиҳалари ҳақида маълумот берилди.

Сканд Ранжан Таял Афғонистонда узоқ муддатли ва барқарор тинчлик ўрнатиш, ижтимоий-иқтисодий инфратузилмасини тиклашда Ўзбекистоннинг фаол иштирокини алоҳида таъкидлади.

#Ҳиндистон #Исматулла Эргашев