Қўшимча функционаллар
-
Тунги кўриниш
Исроил мудофаа вазири Ғазога «тўлиқ миқёсли ҳужум» бошланганини эълон қилди
Энди Ғазо ҳеч қачон аввалги ҳолатига қайтмайди, деди у.
Фото: Ariel Hermoni
Исроил мудофаа вазири Йоав Галлант 10 октябр оқшомида жанговар ҳаракатларга қўйилган «барча чекловлар» бекор қилингани ва армия энди Ғазо секторида кенг кўламли ҳужумга ўтаётганини айтди. У жанглар давомийлигини «ҳафталар ёки ойлар» билан ўлчади.
«Мен барча чекловларни олиб ташладим, биз ҳудуд устидан назоратни тикладик ва кенг кўламли ҳужумга ўтмоқдамиз», деди Галлант.
«ҲАМАС Ғазо секторида ўзгаришларни хоҳлади. Аммо бу жангарилар ўйлаганидан 180 даража бошқача бўлади. Улар бундан пушаймон бўлишади. Ғазо ҳеч қачон аввалги ҳолатига қайтмайди. Ким аёлларни, болаларни ва Ҳолокостдан омон қолганларни бошини кесиш, ўлдириш учун келса, биз уларни йўқ қиламиз», деди Исроил мудофаа вазири.
7 октябр куни эрталаб Ғазо секторини назорат қилувчи ҲАМАС ҳаракати аъзолари Исроилга қўққисдан ҳужум қилди. Улар уч мингга яқин ракета отиб, чегара ҳудудларига бостириб кирган. Шундан сўнг улар исроиллик ҳарбийлар билан жангга киришган ва ўнлаб одамларни гаровга олган. Бунга жавобан Исроил армияси Ғазо секторига ҳаводан зарба бера бошлади. Исроил уруш ҳолатида эканини расман эълон қилди.
Ғазодаги геноцид
Мавзуга оид
11:06 / 14.07.2025
БМТ: Исроилнинг Ғазога инсонпарварлик ёрдамини блоклаши ҳаёт учун хавф туғдирмоқда
08:15 / 14.07.2025
БМТ қароргоҳида Фаластин бўйича халқаро конференция бўлиб ўтади
18:31 / 13.07.2025
Исроилнинг Ғазога зарбаси оқибатида сув учун навбатда турган болалар ҳалок бўлди
23:05 / 11.07.2025