Қўшимча функционаллар
-
Тунги кўриниш
Баҳодир Жалолов Осиё ўйинлари финалига чиқди
У хитойлик боксчини нокаутга учратди. Финалда қозоғистонлик Қўнқабаевга қарши жанг кутмоқда.
Токио-2020 Олимпиадаси чемпиони Баҳодир Жалолов Осиё ўйинлари финалига йўл олди.
Энг оғир вазн тоифасида Ўзбекистон шарафини ҳимоя қилаётган Жалолов яримфиналда хитойлик Байикевузи Данабиекени 1-раунднинг илк дақиқасидаёқ нокаут билан мағлубиятга учратишга эришди.
Бу орқали у Париж-2024 Олимпиадаси йўлланмасини ҳам ҳал қилди, бу унинг фаолиятидаги учинчи Олимпиада бўлади.
Жалолов турнирдаги биринчи жангида ҳам тожикистонлик Муҳаммад Абрординовни нокаутга учратганди. У энди 5 октябр куни азалий рақиби, қозоғистонлик Қамчибек Қўнқабаевга қарши олтин медал учун жанг қилади.
Ўзбекистонлик боксчи жангдан кейин Sport телеканалига берган интервюсида ҳаваскор ва профессионал бокс орасида ҳаракатланиш қийин бўлаётгани, Париж-2024 Олимпиадаси унинг ҳаваскор боксдаги сўнгги турнири бўлиб қолишини билдирган.
«Тан олишим керак, қийин бўляпти. Чунки биз у ёқда 8-10 раундлик жангларга тайёргарлик кўрамиз, у ёқда сал секинроқ, оёқда туриб ҳаракатланиш керак. Лекин ҳаваскорда уч раундда кўп нарса ҳал бўлиб кетиши мумкин. Шунинг учун биз иложи борича барчасини шу вақт ичида якунлашимиз керак.
Шу нарсага мослашишим сал қийин бўляпти. Осиё ўйинларидан икки ой олдин келиб, уч раундлик жангларда тайёргарлик кўрдим, ўргандим, анча ўзимга келиб олдим. Лекин барибир бу жуда қийин иш.
Худо хоҳласа, Олимпиадага бораман, Олимпиада ўйинлари ҳаваскор боксдаги охирги фаолиятим бўлиши керак», деган боксчи.
Тавсия этамиз
Импортга чекловлар: масъул ва фаоллар ўртасида қизғин тортишув
Ўзбекистон | 22:40 / 08.04.2025
ЕЧЛда чоракфинал. «Реал» ва «Арсенал» ўйинида ким фаворит?
Спорт | 19:34 / 08.04.2025
Тошкентдаги қаҳвахонада тил билан боғлиқ ҳолат муҳокамаларни келтириб чиқарди
Ўзбекистон | 23:03 / 07.04.2025
Хитойлик тадқиқотчилар Осиёда янги зилзилалар кузатилишидан огоҳлантирди
Жаҳон | 21:46 / 06.04.2025
Сўнгги янгиликлар
-
ЕЧЛ. "Барселона" "Боруссия Дортмунд"га жавобсиз тўртта гол урди, "ПСЖ" "Астон Вилла" устидан ишончли ғалабага эришди
Спорт | 02:04
-
Зеленский Россия хитойликларни урушга TikTok орқали ёллаётганини маълум қилди
Жаҳон | 00:52
-
Осиё кубоги U-17. Ўзбекистон ўсмирлар жамоаси Саудия Арабистони устидан йирик ғалабага эришди
Спорт | 00:22
-
Эстония президенти Россия ва Беларус фуқароларининг маҳаллий сайловларда овоз беришини тақиқловчи қонунни тасдиқлади
Жаҳон | 23:52 / 09.04.2025
Мавзуга оид
10:12 / 06.04.2025
Ўзбекистон бокс жамоаси жаҳон кубогида 5 та олтин қўлга киритди
08:07 / 06.04.2025
Баҳодир Жалолов украиналик рақибни мағлуб этди
12:16 / 04.04.2025
Мўйдинхўжаев ва Холдоров жаҳон кубогини чоракфиналдаёқ тарк этди
14:34 / 22.03.2025
Афсонавий боксчи Жорж Формен вафот этди
