Абитуриентларга имтиҳонларга бош кийимда келишга рухсат берилди

Абитуриентлар тест синовларига бош кийим билан келишлари мумкин. Бу ҳақда Давлат тест маркази хабар берди.

2021-2022-ўқув йили учун олий таълим муассасаларининг бакалавриат таълим йўналишларига кириш тест синовлари юртимиздаги эпидемиологик вазиятдан келиб чиқиб, очиқ стадион ва хиёбонларда ўтказилиши белгиланди.

Тест синовлари кунига икки сменада:

1-смена 07:00 дан 10:00 га қадар;
2-смена 19:00 дан 22:00 га қадар бўлиб ўтади.

Тест синовлари очиқ майдонларда ўтказилишини инобатга олган ҳолда, абитуриентлар тест синовларига бош кийим (кепка, панама) билан келишлари мумкин, дейилади хабарда.

Аввалроқ, абитуриентларга рухсатномаларни бериш бошлангани маълум қилинганди.

#тест #бош кийим #абитуриент