Ҳиндистон октябргача коронавирусга қарши вакцинани экспорт қилмайди

Фото: time.com
Ҳиндистон октябргача коронавирусга қарши вакцина экспортини тикламайди. Reuters ахборот агентлигининг хабар беришича, Ҳиндистондаги оғир эпидемиологик вазият сабабли мамлакатда ишлаб чиқарилаётган барча вакцина ички эҳтиёж учун йўналтирилмоқда.
Бунинг натижасида COVAX ташаббуси доирасида вакцина тақчиллиги юзага келди. Бангладеш, Непал, Шри-Ланка ва Африканинг кўплаб давлатлари бошқа давлатлардан вакцина импорти учун курашни бошлаб юборди.
Ўз навбатида, ЖССТ Ҳиндистондан бошқа вакцина ишлаб чиқарувчи давлатларни COVAX учун кўпроқ вакциналар етказиб беришга чақирди.
Reuters’га манбаларнинг хабар беришича, Ҳиндистонда коронавирусга чалинганлар сони 25 млндан ошиб кетгани сабабли аҳолини коронавирусга қарши эмлаш устувор вазифага айланган.
Шу билан бирга, Ҳиндистонда вазият яхшиланса, вакцина экспорти қайта тикланиши муддати ўзгариши мумкин.
Ҳиндистон вакцина экспортини март ойида тўхтатиб қўйганди. Шу сабабли COVAX’да 140 млн доза вакцина тақчиллиги юзага келган.
Мавзуга оид

19:08 / 09.06.2025
Ҳиндистонда ҳаракатдаги поезддан тушиб кетган 6 киши ҳалок бўлди

16:51 / 07.06.2025
Ҳиндистон ва Марказий Осиё давлатлари фойдали қазилмаларини биргаликда излашга келишиб олди

17:07 / 06.06.2025
Ҳиндистонда дунёдаги энг баланд темирйўл кўприги очилди

13:35 / 06.06.2025