Қўшимча функционаллар
-
Тунги кўриниш
Путин Қорабоғда ҳалок бўлган тинч аҳоли ва қочқинлар сонини маълум қилди
Фото: EPA
Тоғли Қорабоғ учун Арманистон ва Озарбойжон ўртасида кечган жангларда тинч аҳоли орасидан 4 мингдан кўпроқ одам ҳалок бўлди, қочқинлар сони ўн минглабни ташкил қилмоқда. Бу ҳақда Россия президенти Владимир Путин Тоғли Қорабоғдаги гуманитар масалаларни ҳал қилиш бўйича ўтказилган йиғилишда маълум қилди.
“Жанглар оқибатида тинч аҳоли орасида қурбонлар сони 4 мингдан ошди, 8 мингдан кўпроқ киши яраланди, қочқинлар сони турли маълумотларга кўра ўн минглабни ташкил қилмоқда, фуқаролик инфратузилмаси, кўплаб маданий объектлар вайрон бўлган”, деб таъкидлаб ўтган Путин.
Россия етакчисининг таъкидлашича, ихтилофда жабр кўрганларга инсонпарварлик ёрдами кўрсатиш ва осуда ҳаётга қайтишда ёрдам бериш лозим.
Путин шу мақсадда Россия ташқи ишлар вазирлигига Тоғли Қорабоғнинг гуманитар муаммоларини ҳал қилишда ЕХҲТнинг Минск гуруҳи, Халқаро Қизил хоч жамияти, БМТнинг қочқинлар масалалари бўйича олий комиссари бошқармаси ҳамда ЮНЕСКО билан алоқани йўлга қўйиш вазифасини топширган.
Путин ихтилофни Озарбойжон, Арманистон ва Россия етакчиларининг уч томонлама баёноти эвазига тўхтатишга муваффақ бўлинганини қайд қилиб ўтган. У, шунингдек, “Тоғли Қорабоғ ихтилофи” иборасини бошқа қўллашга ҳожат қолмаслигига умид билдирган.
Қорабоғ уруши
Мавзуга оид
13:06
Россияга қарши санкцияларга тайёр Трамп, «Ҳизбуллоҳ»ни қуролсизлантирмоқчи бўлган Ливан ва Эронда ёпилаётган давлат идоралари — кун дайжести
08:50
Песков: Россиянинг ташқи сиёсатига баҳо бериш учун Путинга қулоқ солиш керак
14:23 / 04.08.2025
Путин 1994 йилдаёқ Украина шарқи ва Қозоғистон шимоли «доим Россия давлатининг бир қисми бўлгани»ни айтган
08:51 / 04.08.2025